Tngsa Sinnhyan nqu Taywan Kristo Cyorow Kyokay信仰告白


Tngsa Sinnhyan nqu Taywan Kiristo Cyorow Kyokay
 
Snhi samiy squ Utux Kayal,
kmnalay mlahang squliq ki kwara ana nanu qutux balay na Utux Kayal.
Hiya ga Mrhuw na rekisiy ki cinbwanan,
musa smpung ru pchut. Laqi nya ga,
p’lqyun na Serey,
m’laqi kahul squ mkrakis Mariya m’squliq,
ru mtswe ta,
Yesu Kiristo ka Mrhuw pchut na ssquliq,
spwah nya kin’wiy,
sbu squ zyuzika,mhuqil, msbinah mqyanux,
spkita squ hway ki kinshiyu na Utux Kayal,
psblaq squ ita ki Utux Kayal.
Tninun nya ga Serey,
nyux maki qsahuy ta, miq squ qpzing ,
aki samiy pqiyu squ ska na kwara squliq,
tehuk squ uwah loziy na Mrhuw.

Snhi samiy,
Sesyo ga pinnwah squ inlungan na Utux Kayal,
miru squ gmabil pchut nya,
galan  puqing gaga na snhyan ki qnxan myan.

Snhi samiy,
kyokay ga linhuyan na llaqi na Utux Kayal,
pinlawa nya musa ptke pchut na Yesu Kiristo,
m’tnu musa psbalay squ kwara cinbwanan ru,
tgamil squ qalang nya nanak,
gmluw inlungan squ kwara squliq kya,
skahul squ gnalu ki kin’wiy,
m’tamas na sinnlwan.

Snhi samiy,
squliq hiya ga skahul squ gnalu na Utux Kayal ru
thuyay ’myuw inlungan, swalan qu qehan,
puwah squ balay na inlungan,
mhway ki pngsa qnxan pssyax squ Utux Kayal.

Snhi samiy,
Utux Kayal ga miq squliq squ puqing sinrxan inlungan,
kinbaqan, ki qalang,
ru maki pinbcyan squ kinnalay nya,
maki sinrxan gmluw hiya mlahang squ kwara cinbwanan.
Nanu yasa, squliq ga maki gaga na cinqlangan,
Kinlhangan ki pila, maki uziy qu cinringan,kagak,
ki inlungan hmkangi squ balay na Utux Kayal.
Ana ga maki kinqehan qu squliq,
pnqun nha mtzyuwaw kwara qoyat kinbaqan qaniy,
pthiriq squ squliq,
kwara ana nanu ru zyuwaw nha ki Utux Kayal.
Nanu yasa, squliq ga siy ki stama squ hway pinchut na Yesu Kiristo.
Musa nya bqyun kahul kinqehan qu squliq,
ru sinqnutan ga biqan nya ziyuw, mtnaq,
thuyay msngya,
m’giqas na squliq te qsahuy na Kiristo,
musa nya khangan qu kwara cinbwanan,
s’unan mshiyu, pinnqas ki ping’an.  Amen.
 

台灣基督長老教會信仰告白

我們信上帝，創造、統治人與萬物的獨一真神。
祂是歷史與世界的主，施行審判和拯救。
祂的兒子，從聖靈投胎，
由童貞女馬利亞降生為人，成為我們的弟兄，
就是人類的救主耶穌基督，
藉著祂的受苦、釘十字架死、復活，
彰顯了上帝的仁愛與公義，
使我們與上帝復和。
祂的靈，就是聖靈，
住在我們中間，賜能力，
使我們在萬民中做見證，直到主再來。

我們信，聖經是上帝所啟示的，
記載祂的救贖，做為我們信仰與生活的準則。

我們信，教會是上帝子民的團契，
蒙召來宣揚耶穌基督的拯救，
做和解的使者，是普世的，且根植於本地，
認同所有的住民，通過愛與受苦，
而成為盼望的記號。

我們信，人藉著上帝的恩典而悔改，
罪得赦免，以虔誠、
仁愛與獻身的生活歸榮耀於上帝。

我們信，上帝賜給人有尊嚴、才能，
以及鄉土，使人有份於祂的創造，
負責任與祂一起管理世界。
因此，人有社會、政治及經濟的制度，
也有文藝、科學，且有追求真神的心。
但是人有罪，誤用這些恩賜，
破壞人、萬物、與上帝的關係。
所以，人當倚靠耶穌基督的救恩。
祂要使人從罪惡中得釋放，
使受壓制的人得自由、平等，
在基督裡成為新創造的人，
使世界成為祂的國度，
充滿公義、平安與喜樂。阿們。


第54屆春季議會審議通過






 
top
Copyrights © 泰雅爾中會 All Rights Reserved.